Rîsipîyanê kurdan Abdullah Ateş (70), Ferzende Elbî û Aldulmecît Kaya (85) dewa Kavaktepe ya Îdirî de kewtî mabênê pêrodayîşanê xeylêk keyeyan û ê ardî werê. Xeyrê nê rîsipîyan herinda dişmenîye de haştîye ameye raameyene.

3 rîsipîyê kurdî sereştişê keyeyan de ameyî destbendkerdene û derheqê înan de îdîanameyê bi 2600 rîpelan ame amadekerdene. Rîsipîyî pê îdîaya 'awankerdişê komîsyonê haştîye yê KCK-PKKyî' ameyî muhakemekerdene. Ateş, Elbî û Kayayî rê heman îdîa ra cezaya zîndanî ya muebede dîyaye.

Abdullah Ateşo ke tewrê qet yew pêvînayîşê haştîye nêbibi îfadeyê şahîdê nimeteyî ser o tepişîya. Ateş de nêweşîyê sey qelb û roqleyan estê. Rixmê raporê nêweşîye Ateş vera nêdîya.

Lajê Ateşî Behçet Ateşî wina vera rewşe nêrazîbîyayîşê xo mojna: ''Babîyê mi 71 serre yo, semedo ke şahîdê nimiteyî vat 'Ez şîya bînaya BDPyî Ateş zî uca de bi' babîyê mi rê cezaya muebede dîyaye. Kulturê pîlê ma verê nîqaşan gênê, haştîye virazenê. Bira cezaya muebede bira sîyasî ya. Babîyê mi kokim û nêweş o ganî bêro veradayene.''