Paytextê Almanya Berlin de Jîna Emînîya ke hetê 'polîsanê exlaqî' yê rejîmê Îranî ra amebî qetilkerdene û pêro cinîyê ke hetê dewleta Îranî ra ameybî qetilkerdene bi merasîmêkî ameyî yadkerdene.
Paytextê Almanya Berlin de Jîna Emînîya ke hetê 'polîsanê exlaqî' yê rejîmê Îranî ra amebî qetilkerdene û pêro cinîyê ke hetê dewleta Îranî ra ameybî qetilkerdene bi merasîmêkî ameyî yadkerdene.
Bernameyê yadkerdişî hetê Kolektîfê 'Jin, Jiyan, Azadî', Meclîsê Cinîyan ê Dest-Danî, Wemon Defend Rojava, Gemeinsam Kämpfen û Komunê Ş. Sara Dorşîne ra roja çarşemeyî ame kerdene. Bername de şexsê Jîna Emînî de pêro cinîyê kurdê ke ameyê qetilkerdene yad bîyî.
Aktîvîstanê belucan zî bi mesajêkî pare kerd ke merkezê xoverdayîşê Îranî Kurdîstan û Belucîstan o û ê do xoverdayîşî pîl bikerê.
Bername de deyîrî ameyî vatene û qiseykerdişî ameyî kerdene. Bername de seba Şîrîne Elemhulî, Ferzade Kemanger, Ferhad Wekîlî û Elî Haydaranê ke 2010 de ameybî dardekerdene şîîrî ameyî wendene, kilamî ameyî vatene.
Dima ke sînevîzyonêk ame mojnayene, cinîyan ê kurdan şalê xo dara waştişan rê daliqnayî û bername qedîya.
