Ciwanêko  Kurd o ke Wan de mîyanê artêşa Tirkî de eskerîye keno, bi hawayêko ‘gumankerde’ merd

Ciwano Kurd o ke Êlîh-Sasonî ra bi nameyê Vasîp Taşdemîr mengêk bi mîyanê artêşa Tirkî de eskerîye keno. Taşdemîr werdxaneyê yewîye de firaqşuw ame wezîferdarkerdene. Taşdemîro ke timî firaqî şutêne, eynî wext de bi şewe nobete ci ra ameye nuştene. Taşdemîro ke vernîya berê nîzamîye ya hûmara 1. de nobete de bi, hevalêk xo ra vat, ‘ez do şora awe bişima û bêra’ û şi odaya ewnîyayîşî. Wextêk ra tepîya vengê çekan ame heşnayene û ê yê ke kewtî oda, cenazeya Taşdemîrî dîye. Fermandarîya Hermê Artêşa Tirkî ya Wanî îdîa kerd ke Taşdemîrî xo kişto.

Mîyanê artşêa Tirkî de nê wextanê peyênan de xeylî ciwanê Kurdî bi hawayêko gumankerde cuya xo vîndî kenê. Verê cû zî seba ciwanêkê Kurdî yo ke paşta xo ra bi guleyî ameyo pirodayene zî vatibi “xokiştiş”.