Meclîsê Ciwanan ê DEM Partî bi şîarê ‘Komelê Demokratîkî reyde ma ver bi azadîye şinê’ Amedî ra ver bi Amara mabênê 1-4ê nîsane de rayraşîyayîşê dergî do bikero.

Meclîsê Ciwanan Rêxistina DEM Partî ya Amedî de derheqê babete de eşkerayîyêke daye. Wekîlê DEM Partî Ceylane Akça û Bêrîtane Guneş zî tewrê eşkerayîye bîyî.

Meclîsî da zanayene ke Vengdayîşê ‘Haştîye û Komelê Demokratîkî’ mîyanê şaranê Kurdîstan û Tirkîya de hêvîyêke afernaya û prosesêko newe dayo destpêkerdene.

Meclîsî vat: ‘’Ma nê rayîrê cuya rûmetêne de sey serkêşanê komelî xeta aktîfe û îdeolojîke de cabigêrê. Ma venga pêrı şarê ma yê welatperwerî û ciwanan danê ke wayîrê nê vengdayîşî vejîyê û tewrê rayraşîyayîşê ma bibê. Bêrê ma pîya ver bi Amara şorê û bibê serkêşê cuya rûmetêne.’’