Devran Dînç (21) 30ê nîsane Sûr de keyeyê xo ra vejîya û dima qet anêgêra keye. Meyîtê Dînçî 4ê guane de mabênê Berê Urfa û Berê Çifte de Sûr de ame dîyene.

Meyîtê Dînçî seba otopsî ame berdene bi Nêweşxaneyê Dewlete yê Selahattîn Eyyûbîyî û dima Goristanê Yenîkoyî de ame definkerdene.

Ame zanayene ke raporê otopsîyî 2 mengan ra dima do bidîyo keyeyê Dînçî. Keye seba raporê otopsîyê verênî do muracatê serdozgerîye bikero.