Merkezê Çapemenî û Îrtîbatî yê HPG’î derheqê çalakîyanê gerîlayan û hêrişanê artêşa Tirkî de  zanayîş da.

Çelê de 3 Eskerî Ameyî Kiştene

Eşkerayîye de ca dîya nînan: ‘’14’ê Hezîrane de hêzanê ma Çelê ya Colemêrgî de vera îşxalkaran çalakîyî viraştî. Çalakîyê sabotajê ke Qilê Masî de ameyî viraştene 3 eskerî ameyî kiştene 2 eskerî zî birîndar bîyî. Dimayê çalakîyan îşxalkaran herême bombardûman kerde. Yewîya ma ya ke çalakîye viraşte weş resaye cayê xo.

Hêzanê YJA Starî 2 Kontrayî Kiştî

Hêzanê ma yê YJA Starî çarçeweya Hemleya Şorişgêre  de 9’ê Hezîrane de Geverê Colemergî de çalakîyêk viraşte. Wesayîtêkê Yewîya Kontrayan mabênê Qereqolê Wargenîma û qilê pawitişî ameye pirodayene. Çalakîye de 2 kontrayî ameyî kiştene. Dewleta Tirkî nê 2 kontrayî sey xebatkarê înşaatî ramotî. Nê kontrayê ke ameyî kiştene hetê embazanê ma ra zaf rey ameyî hîşyarkerdene. Rixmê naye hemkarîya dişmenî canêverda. Şarê ma wa xebaranê zûran ê dişmenî ra bawer mekê.

Licê de 2 Gerîlayî Şehîd Bîyî

7’ê Hezîrane de qezaya Licê ya Amedî de artêşa Tirkî dest bi operasyonêk kerd. Operasyono ke herêma dewa Lîcokî de ame viraştene, wesayîtanê hewayî yê bêmerdiman û yewîyanê nimiteyan zî paştî daye ci. 8 ‘ê Hezîrane de zî herême hetê teyareyanê şerî ra ameye bombardûmankerdene. Nê bobardûmanî de 2 embazê ma şehîd bîyî. Nasnameyê embazanê ma do rayapêroyî dir bêrê parekerdene.

Teyareyanê Şerî Qendîl Bombardûman kerd

15’ê Hezîrane de teyareyanê şerî yê artêşa Tirkî herêma Wareyê Pawitişî yê Medya ra Qendîl de derûdorê dewa Enzê bombardûman kerd. Netîceya hêrişan de vîndîbîyayîşê ganî çîn o la bax û baxçeyanê şarî zirar dî.’’