Hukmatê AKP’yî Colemêrg de bi hendek û barîkatan OHAL’î dano domnayene. Hukmat tayî herêmanê qezayanê Çelê, Gever, Şemzînan, Rubarok de  bi hawayêkê sîstematîkî 15 rojan de rayêk qedexe îlan keno.  Nê qedexeyî merkezê bajarî de zî yenê domnayene.

Colemêrg de binê nameyê‘ Herêma asayîşî ya taybete‘ de îdareyo pît yeno rayraberdene. Heme heqê şarî yê bingeyênî yenê xespkerdene. Rîyê hendek û barîkatan ra mabênê merkez û mehleyan de problemê resî ciwîyene. Reyna dewan de şar nêeşkeno şiro wareyan. Bi qereqol û nuqtayanê gêrayîşî yê leşker, qoricî, pawitox û polîsan  û quleyanê çimdarî şar nêeşkeno nefes bîgêro. Hemwelatijêko saba asayîşî nameyê xo nêda vat: ‘‘Dewlete tîya ma binê ablûqa de tepişena.  Her pêrê  mehlayan de nuqtayê kontrolî estî. Rixmê naye dewlete şarî ra tersena.‘‘