Kurdîstan de  binpaykerdişê heqanê cuya dewam kenê. Tewr zaf zî Colemêrg de binpaykerdişê heqan est ê. 6 serrî yo Colemêrg de qanûnê halê îstîsnayî dewam kenê. 2 hezar û 400 rojî yo Colemêrg de her qeyde çalakî û aktîvîteyê demokratîkî qedexe yê

Serekê Şûbeyê ÎHDyî yê Colemêrgî  Avûkat Yusuf Çobanogluyî bi wesîleya 10ê Kanûne Roja Heqanê Merdiman derheqê binpaykerdişê heqan ê Colemêrgî de ANFyî rê qisey kerd.

Yusuf Çobanogluyî vat: “ Na serra peyêne de xeylêk hemwelatîyî raştê îşkenceyî ameyî. Hêzanê dewlete cehd kerd ke nê îşkenceyî wa nêrê eşnawitene.  Ma sey pawitoxanê heqanê merdiman rixmê astengkerdişan wayîrê mexduran vejîyayî. Seba ke heqanê înan bipawê çîyo ke destê ma ra ame, ma kerd. 10 serranê peyênan de bi  desan merdimê ma pê destê dewlete ameyî qetilkerdene. Seba ke qetilkarî merê cezakerdene dozgerîye û mehkemeyî bi îtîna kewnê dewre. Pîya bi binpaykerdişanê heqan azadîya îfedeyî ya hema heme  pêro komelî pê ciperdayîşan  ke ameyî akerdene, ameye binpaykerdene. Kenê ke pê çuyeyê hukmî şarî bêveng bikerê. Tewr zaf zî emser şar raştê îşkence û muameleyê xirabî ame. Colemêrg de vatişê jin jiyan azadiye, şerî rê nê zî qedexe yê. Qedexeyê çalakî û aktîvîteyan goreyê qanûnê bingeyî raşt nîyê. Wan û Êlih de qedexeyî kirişîyayî mehkeya qanûnê bingeyî  û  mehkeme vat qerarê qedexeyî ke hetê walîtîye ra yenê girewtene binpaykerdişê heqan ê.”