Santralê Hîdroelektrîkî (HES) û awbendê ke îqtîdarê AKP-MHPyî Colemêrg de bi bahaneya ''asayîşî'' viraşt, xoza talan û wêran kenê.

Îqtîdarî serra 2020î de zî 2 zîndanê neweyî akerdî. Goreyê zanayîşan, Colemêrg de menga peyêne de 3 awbendê neweyî qedîyayî. Eşkera bi ke awbend û HESî yê ke virazîyayî seba rant û 'asayîşî' yê. Colemêrg de ke nufusê ci 200 hezar kesî yo û tede zîndanêk esto, na serre 2 zîndanê neweyî yenê viraştene ke no zî bi semedê nêrazîbîyayîşanê şarî.

Colemêrg de her keyeyî ra tewr tay kesêk/e tepişte yo/ya. Şaristan de demokrasî û heqê merdiman yenê binpaykerdene, bêkarî û xizanîye zî aste tewr berze de ya. Colemerg de bi seyan qerekol û kalekolî ameyî viraştene. Awbend û HESî yê ke virazîyayî hem xoza talan kenê hem zî kenê ke şar neçare bimano û koç bikero.

Hukmatî her ko û girê Colemêrgî de qereqol û kalekolî viraştî, verê her çemî de zî awbendî viraştî. Hukmatî mabênê 18 serranê îqtîdarê xo de Colemêrg de 2 zîndanê neweyî, 25 HESî û awbendî, 300 qereqol û kalekolî viraştî. Bi taybetî Gelîya Zê de zaf awbendî virazîyayî û Çemê Zê ziwa bi.

Şarê Colemêrgî vera nê talanan nêrazîbîyayîşê xo mojna. Colemêrgijêko nêwaşt nameyê xo eşkera bikero vat ke dewlete cografyaya Colemêrgî kerde meydanê şer û rantî. Dewlete xozaya Colemêrgî talan kena û xîret kena de şar esîr bigêra la şarê Colemêrgî naye qebul nêkeno.