HPGyî nasnameyê di şehîdanê Besta eşkera kerdî û vat: ''Ma sere de keyeyanê embazan Firat û Delîla yê ercîyayeyan rê, pêro şarê Kurdîstanî yê welatperwerî rê serweşîye wazenê. Ma venga şarê xo danê ke dormeyê şehîdan de hîna zêde têkoşîn bikerê.''
Merkezê Îrtîbatî û Çapemenîye yê HPGyî bi eşkerayîyêke, nasnameyê di şehîdanê Besta eşkera kerdî.
Eşkerayîye wina ya:
''23ê gulana 2022yî de artêşa tirke ya îşxalkere vera warê Besta operasyonêko hîra dabi destpêkerdene û pêkewtişêkê nê operasyonî de embazê ma Delîla û Firat şehî dbîyî. Nê wird embazê ma yê botanijî têkoşînêkê dergî ra dima agêrabî erdê xo û înan sey şerwananê şarê xo têkoşînê tîya de vera îşxalkeran şer kerd. Embaze Delîla û embaz Firat Botan de tewrê xeylêk çalakîyan bîyî û sey şerwananê Apogîran mazharê heskerdiş û rêzê embazanê xo ameyî. Ma soz danê ke seba ke layîqê înan bibê têkoşînê înan bi serfîrazîye tacîdar bikerê.
Nasnameyê embazanê ma yê şehîdan wina yê:
|
|
Nameyê Qodî: Fırat Şirnex Name û Peyname: Mehmet Halîl Dogal Cayê Bîyayîşî: Şirnex Maye-Pî: Asîye – Reşît Tarîx û Cayê Şehadetî: 23ê Gulana 2022yî / Besta |
|
|
Nameyê Qodî: Delîla Botan Name û Peyname: Narîne Algun Cayê Bîyayîşî: Şirnex Maye-Pî: Husna – Lokman Tarîx û Cayê Şehadetî: 23ê Gulana 2022yî / Besta |
Embaz Firat Şirnex de dadîya xo ra beno. Dima ke babî û kekê ci ameyî tepiştene, 2014 de embaz Firat Besta de tewrê gerîlayan beno. Embaz Firat dima derbazê Herêmanê Pawitişî yê Medya beno û pêro perwerdeyanê xo bi hawayêkê serkewteyî ano ca. Dima Heftanîn de o beno gerîlayêko marîfetîn û tîya de beno wayîrê tewirêkê raştî. Embaz Firat Kobanê de vera cerganê DAÎŞî zî têkoşîn keno û bi tecrubeyêkê pîlî agêreno koyanê Kurdîstanî. Embaz Firat dima agêreno erdê xo Besta û tîya de pê kesayetê xo yê samîmî, kedkar û raştî beno milîtanêko serkêş o Apogîr.
Embaze Delîla dewa Xulanî ya Cizîre de dadîya xo ra bena. Embaze Delîla ke di apê ci şehîdê têkoşînî yê, cigêrayîşan ra pey 2015 de Cûdî de tewra gerîlayan bena. Embaze Delîla wextêkê kilmî de Botan de bena gerîlayêka marîfetîne û 2018 de seba tedawîya nêweşîya xo derbazê Herêmanê Pawitişî yê Medya bena. Tedawî ra dim a sey fermandarêka YJA-Starî agêrena Besta û tîya de serkêşîya xeylêk çalakîyanê bitesîran kena. Embaze Delîla tîya de hetê şarî ra zî zaf yena heskerdene û sey serkêşêke yena qebulkerdene. Embaze Delîlaya ke pê şehadetê xo tesîrê embazan kerdo, ma do mîrasê aye yê erkî do qetî bîyarê ca.
Ma sere de keyeyanê embazan Firat û Delîla yê ercîyayeyan rê, pêro şarê Kurdîstanî yê welatperwerî rê serweşîye wazenê. Ma venga şarê xo danê ke dormeyê şehîdan de hîna zêde têkoşîn bikerê.''
