Merkezê Îrtîbatî û Çapemenîye yê HPGyî derheqê şahadetê hîrê gerîlayan de eşkerayîye daye û nê pare kerdî:

''Têkoşînê destankî û qehremankî yê Gerîlayanê Azadîye yê Kurdîstanî dewam keno. Ma xeyrê şehîdanê xo heta ewro ameyî ke ma înan rê zaf çî deyndar ê. Hemrayê ma Cesur, Baran û Mazlûm ê ke tekêşînê Zapî de ca girewtêne û bi hewayêkê qehremankî şer kerdêne  3 û 13 gulane de tewrê kerwanê şehîdan bîyî. Ma soz danê ke ma do heta caardişê waştişanê hemrayanê xo têkoşînî pîlêr bikerê. Ma sere de keyeyanê ercîyayeyan ê embazanê xo yê şehîdan, pêro şarê welatperwerî yê Kurdîstanî rê serweşîye wazenê.

Nasnameyê embazanê ma yê şehîdan wina yê:

Hemrayê ma Cesuro ke eşîrê Pinyanîşî ra yo Colemêrg de yeno dinya û keyeyêkê welatperwerî de beno pîl. Hema qijtîya xo de Têgêrayîşê Azadîye yê Kurdîstanî nas keno û binê tesîrê ci de maneno. Ciwanîya xo de mîyanê xebatan de ca geno û wezîfeyanê xo bi serkewtişî ano ca. Hemrayê ma Cesur 2015 de verê xo dano koyanê azadan û tewrê refanê gerîlayan beno. Raywanîya ci ya gerîlatîye ke Avaşîn de dest pêkena zafê ci warê Zapî de ravêrena. Xoverdayîşê Zapî yê 2016 de hemrayê ma Cesur cayê xo geno tîya hetê leşkerî ra aver beno zaf tecrube keno pêser û beno fermandarêko serkêş. Zap de vera hêrişê dişmenî berpirsîyarîya xo ya tarîxî ano ca, bi waştişê qesasî xeylêk çalakîyan de şino dişmenî ser û prosesî rê serkêşîye keno. Sey fermandarê herême derbeyanê pîlan dano  dişmenî ro.

Hermayê ma Baran Efrîn de yeno dinya û binê tesîrê Şorişê Azadîye Rojawanî de beno pîl. Xeylêk wext xebatanê şorişî de cayê xo geno û cayanê cîya cîyayan de wezîfe keno. Bitaybetê şerê vera çeteyan û dewleta tirke de rolo pîl kay keno. Hemrayê ma Baran seba ke xîyalê xo bîyaro ca tewrê refanê gerîlayan beno û 2021 de rarêveno herêma Zapî. Tîya çalakîyanê serkewteyan ê vera dewleta tirke de cayê xo geno derbeyanê pîlan dano dişmenî ro. Heta şehadetê xo heme wezîfeyanê xo bi serkewtişî ano ca û beno gerîlayêko serkewte.

Hemrayê ma Mazlûmo ke eşîrê Badikî ra yo, qezaya Hezroyî ya  Amed de yeno dinya û bi naskerdişê Têgêrayîşê Azadîye yê Kurdîstanî beno pîl. Hemrayê Mazlûm tewrê Şorişê Azadîye yê Rojawanî beno û xeylêk çalakî û hemleyan de bi ruhê pîlî yê hêrişî cayê xo geno. Rixmo ke zaf cayanê xo ra birîndar beno û çirey peyser geme nêerzeno. Her rey hela ke biney beno weş hêna agêreno wezîfeyê xo ser. Bado ke Şorişê Azadîye yê Rojawanî de wezîfeyanê xo bi serkewtişî ano ca verê xo dano koyanê azadan ê Kurdîstanî û tewrê refanê gerîlayan beno. Bi eşqê pîlî tewrê Hemleya Şorişgêre ya Bazanê Zagrosî beno û xeylêk çalakîyan de ca geno.  Xoverdayîşê Zapî yê 2022î de zî cayê xo geno û derbanê girdan dano dişmenî ro.''