HPGyî nasnameyê şehîdêkî eşkera kerd
HPGyî nasnameyê şehîdêkê Zapî eşkera kerd û vat: ''Embazê ma Derwêşo ke pêro embazanê xo rê bîyo nimûneyê milîtanê Apogîrî tarîxê ma yê têkoşînî de cayê xo girewt.''
HPGyî nasnameyê şehîdêkê Zapî eşkera kerd û vat: ''Embazê ma Derwêşo ke pêro embazanê xo rê bîyo nimûneyê milîtanê Apogîrî tarîxê ma yê têkoşînî de cayê xo girewt.''
Merkezê Îrtîbatî û Çapemenîye yê HPGyî nasnameyê şehîdêkî eşkera kerd.
Eşkerayîye wina ya:
''Embazê ma Derwêş Çîya 8ê êlula 2024î de herêma Şehîd Delîlî ya Rojawanê Zapî de hêrişê dişmenî de şehîd bi.
Embazê ma Derwêşo ke pêro embazanê xo rê bîyo nimûneyê milîtanê Apogîrî tarîxê ma yê têkoşînî de cayê xo girewt. Embazê ma Derwêşo ke bi PKKgirîya xo sereberz bîyo, hertim kerd ke heqê ney bido. Ma sere de keyeyê ey ê ercîyayeyî rê pêro şarê Kurdîstanî yê welatperwerî rê serweşîye wazenê.
Nasnameyê embazê ma Derwêşî wina yo:
|
Nameyê Qodî: Derwêş Çiya Name û Peyname: Alî Yaman Cayê Bîyayîşî: Amed Maye-Pî: Muhterem – Hasan Tarîx û Cayê Şehadetî: 8ê Êlula 2024î / Zap |
Embazê ma Derwêş Amed de mîyanê eşîra Derwêşî de dadîya xo ra beno. O hêverî tewrê xebatanê YPSyî beno, xoverdayîşê Sûrî de zî beno wayîrê kedêka pîle. Embazê ma 2015 de keweno destê dişmenî. La o zîndanî zî keno warê têkoşînî û tewrê xoverdayîşê zîndanan beno. O 2019 de vera tecrîdî tewrê grevê vêşanîye beno. Dima ke zîndanî ra vejîyeno 2020 de embazê ma Dewrêş tewrê gerîlayan beno.
O perwerdeyê xo bi serkewtişî temam keno. O tim keno ke tewrê Hêzanê Taybetan bibo. Seba ney bi xîretî pêro erk û mesuldarîyanê xo ano ca. Embazê ma bi têkoşînê xo wazeno qesasê şehîdanê ma bigêro. O Herêma Şehîd Delîlî ya Rojawanê Zapî de bi hêrsî cewab dano hêrişanê dişmenî û şehîd beno. Embazê ma Derwêş do tim mîyanê têkoşînê ma de biciwîyo û serkêşîya ma rê dewam bikero.''