DAÎŞî hêrişê Kifrî kerd: 2 pêşmergeyan dinyaya xo bedilnaye
Qezaya Kifrî ya herêma Germîyanî ya Başûrê Kurdîstanî de hêrişê cerganê DAÎŞî de 2 pêşmergeyan dinyaya xo bedilnaye.
Ame parekerdene ke hêriş dewa Koleco ya bajarekê Kukisî ya qezaya Kifrî de roja sêşeme ame kerdene. Goreyê zanayîşan cergan destpêk de bi hawanan hêrişê merkezêkê leşkerî yê hêzanê pêşmergeyan kerd û dima zî da merkezî ro.
Fermandarê Tugayê 5. yê Şarezûrî Aram Nurîyî Rojnewsî reyde qisey kerd û derheqê hêrişî de zanayîş da. Nurîyî eşkera kerd ke hêriş de 2 pêşmergeyanê bi nameyê Îsmaîl û Surikêwî dinyaya xo bedilnaye. Kifrî de 5ê adare de zî teqayîşêk de 2 karkerî birîndar bibî.
1ê sibate de rayîrê mabênê bajarekanê Zînane û Serqela yê Kifrî de zî cerganê DAÎŞî 2 birayî remnaybî. 30ê çeleyî de zî herêma mabêna Xaneqîn û Kifrî de cerganê DAÎŞî 8 kesî remnaybî û rojêke ra dima 2 kesî înfaz kerdbi.
