Federasyonê Komeleyanê Dêrismî (DEDEF) û Komeleya Elewîyan ê Demokratkan  (DAD)  semedê  Murat Yildizo ke Pulurê Dêrismî de herîşê hewayî de ame qetilkerdene, eşkerayîye daye.

DEDEF:  ''Nê operasyonî heqê ma yê cuya destê ma ra genê. Seba ke êyê ke talîmatê operasyonan danê û reyra benê nînê muhekemekerdene her roje wina sîvîlî yenê qetilkerdene. Xeylêk bajaran de operasyonanê leşkerîyan de sîvîlî ameyî qetilkerdene la qet cipêrsayîşêk dest pênêkerd. Ma wazenê wa derheqê berpirsîyaran de cipêrdasayîş bêro kerdene û derheqê prosesê îdarî de zanayîş bidîyo şarê Dêrsimî.''

DAD: ''38 serrî yo qirkerdişî dewam kenê. Dêrsim de vera gananê ke cigêrayîşê heqîqet û azadîye de yê, bi hewayêkê sîstemkî zulum yeno kerdene. Hêdî-hêdî ma kişenê. Wextê yewca ameyîşî yo. Wext wextê yewbîyayî destê yewbînan tepiştiş û vera zulm û neheqîye qîrayîşî yo. Seba ke qetilkarî bêrê cezakerdene û hînî dayîkî mebermê ganî her kes vengê xo berz bikero.''