Ame vatene ke şewato ke hewteyo ravêrte mewkîya Alîbogazî yê qezaya Xozatî ya Dêrsimî de dest pêkerd dewam keno.

Bisebebo ke şewat mewkîya Geştek û Çakmakli ya ke sey ‘herêma asayîşê taybetî’ ameya îlankerdene de yo destûr nêdîyeno ke şar mudaxale bikero. Ame zanayene ke heta nika  herêmo ke vêşayo tewr tay 150 hektar o. Hemwelatin hemverê bêvengîya berpirsîyaranê dewlete ya vera şewatî de reaksîyon da û waşt ke şewat cade bêro hewnakerdene.