Qezaya Licê ya  Amedî de semedê baleantişê serê grevê vêşanîye û rojeyê mergî yê ke semedê wedartişê tecrîdê serê Rayberê Şarê Kurdî Abdullah Ocalanî yenê viraştene çalakîyêk ameye viraştene.

Çalakîya ke Parka Medenî Yildirimî de ameye viraştene de polîsan hêrişê merdimanê tepişteyan kerd. Netîceyê hêrişê polîsan de dayîka Hasan Ûmût Ozerî yo Zîndanê Karabûkî de 1’ê Adare ra nata grevê vêşanîye de yo Necla Ozere ameye derbkerdene. Embazanê Ozere waşt ke  aye berê nêweşxane derman bikerê û raporê derbkerdişî bigêrê la Ozere no red kerd û va: ’’Ma hînî dewlete rê qereyê dewlete kerdişî ra qefîlîyayî’’.