Dayîkî rixmê ablûqayan xo ver ro danê

Dayîkê tepişteyan seba ke bale biancê serê grevê vêşanîye û rojeyê mergî, çalakîya roniştişî viraşte. Polîsanê Tirkî bi TOMA’yan dorê dayîkan girewt. Dayîkî zî bi sloganan çalakîya xo dewam kenê.

Dayîkê ke seba balantişê serê grevê vêşanîye û rojeyê mergî her roje Parka Koşûyolû ya qezaya Baglarî ya Amedî de çalakîya roniştişî virazenê, ewro zî dest bi çalakîye kerd. Polîsanê Tirkî bi TOMA’yan dayîkî girewtî binê ablûqayî. Polîsanê Tirkî dûyê egzozî yê TOMA'yan verda serê dayîkan.

Polîsanê Tirkî bi tu hawayî destûr nêda ke xebatkarê çapemenîye dîmen û fotografanê çalakîye biancê. Dayîkê ke dorê ci ameyo ablûqakerdene, sloganê "Leyla Guvene rûmeta ma ya" û "Amed heşar be, veng bidê zîndanan” qîrayî û çalakîya xo dewam kerde.