Cenayaza gerîlaya YJA Starî Kubare Heîizade (Rojda Cudî)  ya ke 3 gerîlayê ke 24ê êlula 2019î de qezaya Licê ya Amedî de şehîd bibî ra yew a badê 6 aşman ameye girewtene la definkerdişê ci ame astegkerdene.

Babî Ali Hacîzade  bajarê Maku yê Îranî ra ame Amed û semedê girewtişê canaza muracat kerd. Hacîzade 29ê çeleyî de semedê testê DNA Nêweşxaneyê Unîversîte yê Dicle de gonî da  û agêra Îran. Dima ke netîceya DNA bîye safî Korona ver berê sinorê Îranî ameyî girewene. Coka babî Hacîzade nêeşkeno bêro Amed.

Keyeyî vekalat da avûkatî ke wa cenazaya ke 6 aşmî yo Nêweşxaneyê Cigêrayîş û Perwerdeyî yê Gazî Yaşargilî de ya bîgêro. Sermîyanê MEBYA-DERî  ewro cenaza girewte û kewtî rayîrê Bazîde Agirî ke cezana ûca defin bikerê la nizdê Bedlîsî de hetê leşkeranê tirkan ra vernîya înan ameye girewtene û destûr nêdîya ci ke şirê. Netîceya pêvînayîşanê avûkatê keyeyî û dozgerîye Bazîdî de do cayê definkerdişê cenaza bibo bewlî.