Bi fermanê Fermandarê Cendirmeyan ê Nisêbînî Fatîh Doganî waşt ke gorê Abdulhamît Keskîno ke serra 1995î de taxa Birgurîye de şer de şehîd bibi, gorê ci ame vurnayene. Zanayîş dîya keye û cenazaya Keskînî goristanî ra ameye vetene û ameye berdene bi Goristanê Mohrîsî yê Nisêbînî.

Leşkeran verda ke têna babî û çend birayê Keskînî tewrê definkerdişî bibê. Derheqê vurnayîşê gorî de zabitnameyêk nusîya. Gerreyê Bîlal Karakaşî ser o derheqê vurnayîşî de tehqîqatêk dîya destpêkerdene. Gorê Keskînî bi bahaneya ke endamê rêxistine yo û gor seke bîyo 'gorê vîrameyîşî' ame vurnayene.

Birayê Keskînî Abdullah Keskîno ke hesabê xo yê medyaya sosyale  ser ra derheqê kiriştişê gorî de zanayîş da vat: ''Birayê hema 19 serre bi cuya xo bedilnaye. Dewêka goristanê ci çînêbi de serdî ra xeniqîya. Kişta heciyanê xîrstîyanan de ame definkerdene. Dima ma ci rê gorêk viraşt. Badê 25 serran bi fermanê dewlete  gorê ci ame kiriştene. Definkerdişê ci emrê ci ra zafêr kerd derg. Merdeyan rehet verdê.''