Dewa Dêrto ya qezaya Xelfetî ya Riha de dimayo ke 18’ê Gulane de şer vejîyabi, polis û tîmanê taybetan eştbi serê dewa Dêrto ya Xelfetî û Dewa Qosarî ya Hewagî û 51 kesî destbend kerdîbî.

Hemwelatijî hem keye û qereqolê cendirmeyan de û hem zî şaxê TEM’î de rastê îşkenceyî ameybî. Kesê ke ameybî destbendkerdene 3’ê înan domanî bi pêroyî 19 kesê ke vejîyabî mehkema ameybî veradayene. La vizêr mehlaya Qosarî ya Riha de 4 kesê bînî ameyî destbendkerdene. Qalkerdişê avukat û kesanê ke ameyê veradayene û rapor û îfadeyê ke nê meseleyî ser o ameyê amadekerdene îspat kenê ke kesê ke ameybî destbendkerdene înan rê îşkence ameyo kerdene.

Nameyê ê kesanê ke ameyê destbendkerdene û demê destbendkerdişê înan ameyo dergkerdene nê yê: Celal Yildirim, Feyzullah Gul, Emîn Zencîrkiran, Fahrettîn Alakûş, Celal Ercan, Ahmet Korkmaz, Mûstafa Kahraman, Ûgûr Yildirim, Mûstafa Yildirim, Cindî Zencîrkiran, Fatma Alakûşe, Zekî Alakûş, Gazaley Alakûş, Tacettîn Gul, Abdullah Yildirim, Halîl Zencîrkiran, Guler Alakûşe, Mehmet Alakuş, Mehmet Korkmaz.