Demê ‘wezîfeyê‘ qeyûmanê xespkaran ê ke şaredarîyanê pîlan ê Mêrdîn û Wanî de ameybî cakerdene, seba 2 aşman ame dergkerdene.

Xespkerdişê şaredarîyanê Partîya Şaran a Demokratîke (HDP) yê Amed, Wan û Mêrdînî ser ra 2 mengî ravêrtî. Bi qerarîya Wezîrîye demê ‘wezîfeyê‘ qeyûmanê xespkaran seba 2 aşman ame dergkerdene.

Semedê Hemşaredara Şaristanê Pîlî yê Wanî Bedîa Ozgokçe Ertane û Hemşaredarê Şaristanê Pîlî yê Mêrdînî Ahmet Turkî qerarê wezîfe ra durfînayîşî seba di aşman ame dergkerdene. Seba Hemşaredarê Şaristanê Pîlî yê Amedî Selçuk Mizrakliyî çîyêk nêameyo vatene.