Dewa Yaylagunu ya qezaya  Pulurî ya Dêrsimî de vizêr hemwelatijo bi nameyê Engîn Eroglû (28) yo ke saetanê serê sibayî de heywanê xo berdî çerênayîş ci ra xebere nêna girewtene.

Engîn Eroglû yo ke heywanî berdî çerênayîş şan nêagêra keye. Heywanê ey bi xo ameyî. Keyeyê Erogluyî  û dewijan dest bi cigêrayîşî kerd. Dewijan cigêrayîşê erazî de telefon û şewqa yê ey dîyî. Nêzdîyê pirdê Şorşwenkî de rêçê gonî û kaşkerdişî ameyî vînayene. Dewijan xebere daye ekîbanê AFAD’î. Cigêrayîşî dewam kenê.