Dêrsim de maçê ‘Qeyûm do şoro, ciwanî ser bikewe’: Perî Ya Ma Ya

Musebaqeya Futbol a ke hetê namzedanê hemşaredarîyê Yewîya Hêzî ya Şorişgêre ya Dêrsimî yê Perî Orhan Çelebî û Songul Dogane amebi organîzekerdene û qeyûmî verê ci birnabi, vizêr dewa Şihsoyî de ameye viraştene.

Dêrsim de musebaqeya ke rixmê vernîgirewtişê qeyûmî ame viraştene û ciwanan eleqeyêko gird mojnayo ci,  parlamenterê HDP’yî Mustafa Bulbul, girêdayîyê Yewîya Hêzî ya Şorişgêre ya Dêrsimî û zaf hemwelatijî beşdarê ci bîyî.

Rojanê ravêrteyan de qeyûmê şaredarîye yê Perîyî, namzedê Yewîya Hêzî ya Şorişgêre ya Dêrsimî yê ke waşt maçê wareyê xalî de ciwanan reyde bêrê têhet, wareyê futbole yê şaredarîye nêdabi ci. Namzedanê hemşaredarîyê Perî Orhan Çelebî û Songul Dogane ard ziwan ke, maçê wareyê xalîyî yo ke hetê qeyûmî ra vernîya ci amebi girewtene, zîhnîyetê qedexekerdişî yê qeyûman dano teber û vat, nê kerdişî verê xebatanê înan ê weçînayîşî do nêgêrê.   Namzedê Yewîya Hêzî ya Şorişgêre ya Dêrsimî vizêr zî wareyê futbole yê dewa Şihsoyî de ciwan reyde ameyî têhet û bi şîyarê “Qeyûm do şoro, ciwanî ser bikewe” aktîvîtêk viraşte. Namzedanê hemşaredarîyê Perîyî Orhan Çelebî û Songul Dogane ard ziwan ke, ê vera zîhnîyetê qedexekerdişî bi yewîya hêzî ya ke seba weçînayîşê cayîyan viraşta reyna şaredarîyan do bigêrê û vat, “Ma ci ra fek ranêverdo, sey vizêrî ma ewro zî wareyan do bibê.”