Çalakîya roniştişî ya ke semedê baleantişê grevê vêşanîye yê ke semedê wedartişê tecrîdê serê Rayberê Şarê Kurdî Abdullah Ocalanî yenê viraştene hetê Partîya Şaran a Demokratîke a Dêrsimî ra ameye destpêkerdene, vizêr roja çarine de dewam kerde. Parlamenterê Çewlîgî Erdal Aydemîr, hemserek û îdarekarê partîye yê bajarî, temsîlkarê partîyanê sîyasîyan û rêxistinanê sivîlan ê cimatî tewrê çalakîye bîyî

Hemserekê HDP’yî yê Dêrsimî Hidir Çîçekî ard ziwan ke bi sebebo ke cuyeya merdimî seba înan muhîm a ê her şan çalakîya roniştişî virazene û paştî dane xoverdayoxanê grevê vêşanîye û va: ‘‘Serranê 90’ine de slogana sey ‘Vera neheqîye bêveng memanê beno ke dora to zî bêro‘ estbî, na slogan ma rê xeylî wext bêmana ameyêne la nika  mana û muhîmîya na slogane yeno zanayene. Vera heme nêheqîyan ganî ma vengê xo berz bikero.‘‘ Çalakîya roniştişî bi slogana,‘‘ Biciwîyo xoverdayîşê zîndanan‘‘ qedîyaye.