Dêrsim de varayîşê vewrî bi taybetî dewan û qezayan de tesîrê xo mojna. Varayîşê vewre ra rayîrê 139 dewan qefilyayî. Zaf wesayîtî zî rayîr ra vejîyayî û vewre de mendî.

Qezayanê Pulurî, Qelasî, Xozat û Pilemurîye de qalînîya vewre 30 santîmetre ra zêdêr a. Qezaya Pulurî ya Dêrsimî de qasê rojêke mabênê perwerdeyî ame dayene. Ekîbê Têkoşînê Vera Vewre zî seba akerdişê rayîranê dewan xebatê xo dewam kenê. Şaro ke cayanê berzan de ciwîyenê ame hişyarkerdene ke varayîşê vewre do dewam bikero.