Kampanyaya Keyeyê Wayûbirayî ya HDPyî ya ke prosesê janî de seba paştdayîşê şarî dîyaye destpêkerdene, dewam kena. Heta nika zaf dezgeh, rêxistin, kesayet û hunermendan zî paştî da kampanya. Hunermendê dêrsimijî Dogan Çelîkî zî bi kirdkî vîdeoyêk pare kerd û paştî da Kampanyaya Keyeyê Wayûbirayî.

 Dogan Çelîkî venga şarî da ke hetkarîya yewbînan bikero. Dogan Çelîkî vat: ''Ma na tengîye de paştî bidê yewbînan, yewbînan têna meverdê. Ma seba Duzgun Baba, seba Ana Fatma, seba Munzur Babayî na tengîye de keyeyê berê xo akerê.''