Konfederasyonê Sendîkayanê Kedkaran ê Umûmîyî (KESK) seba nawnayîşê ''Ma wazenê sey merdiman biciwîyê'' yo ke 22ê kanûne de Amed de do bêro kerdene bi eşkerayîyêke vengdayîşê tewrbîyayîşî kerd.

Eşkerayîye kuçeyê Merkezê Huneri yê Dêrsimî de ameye kerdene û hetê Hemserekê KESKî Mehmet Bozgeyîkî ra ameye wendene. Temsîlkarê partîyanê sîyasîyan û dezgehan, kedkarê umûmîyî tewrê eşkerayîye bîyî.

Eşkerayîye de ame vatene: "Ma sey KESKî hêzanê kede û demokrasîyî yê ke heqê înan destê înan ra ameyî girewtene, seba înan butçe nêame peydakerdene, rastê caardişanê antîdemokratan yenê reyde na menge de bernameyêkê tekoşînî yê xurtî do bîyarê ca. Ma 8ê kanûne de bi nawnayîşê ''Ma wazenê sey merdiman biciwîyê'' yê Îstanbulî seba naye gamêka verêne eşte.

21ê kanûne de Mersîn de , 22ê kanûne de Amed de û 11 çeleyê 2020î de Îzmîr de ma do nawnayîşanê herêmîyan bidê kerdene. Ma venga pêro kedkaran, hêzanê demokrasîyî, dostanê kedkaran danê ke tewrê nê nawnayîşan bibê."