Herêma Şehîd Delîlî ya Rojawanê Zapî de 11ê êlula 2022yî de şer de barbarîyêke ameye dîyene. Hêzanê gerîlayan îşxalkerî girewtbî binê ablûqa û xeylêk îşxalkerî netîceya derbanê serkewteyan de ceza kerdbî. Gerîlayan dest nabî çekanê îşxalkeran ser zî. O çax cenazaya leşker Nûrî Melîh Bozkurtî Warê Xoverdayîşî yê Şehîd Şahînî de, cenazaya leşkeer Nacî Kaygisizî û Nurettîn Tokyurekî Warê Xoverdayîşî yê Girê Amedîyê de û cenazaya Mustafa Baznayî zî Warê Xoverdayîşî yê Girê FMyî de kewtbî destê gerîlayan.

Bi belgeyanê Merkezê Îrtîbatî û Çapemenîye yê HPGyî eşkera bibi ke dewleta tirke û medyaya şerê taybetî raştîyan nimnenê û tay kişteyan tewr eşkera nêkenê. Selahîyetdar û wezîranê dewleta tirke zûre kerdbî ke leşkerê înan nêweşxane de şehîd bîyê. Bi belgeyan eşkera bibi ke cenazayê îşxalkeran destê gerîlayan de yê. 

11ê êlula 2022yî de Warê Xoverdayîşî yê Girê Cûdîyî de artêşa tirke seba ke cenazayî nêkewê destê gerîlayan vêşnabî. Gerîlayan zî dîmenê nê helan girewtbî. Dîmenan raştîya barbarîya artêşa tirke vetbî werte.

Medyaya şerê taybetî ya dewleta tirke no serebût qetî qebul nêkerd.

Rixmo ke no serebût serrêke xo pey de verdaya Warê Xoverdayîşî yê Girê Cûdîyî de rêçê a barbarîye sey roja verêne teze yê. War de kincê lêşkerî yê vêşnayeyî û tay malzemeyê leşkerî dîyenê. Telefon, cîhazê îrtîbatî yê leşkerî yê vêşayeyî û plakayê yelegê û dûrbînê înan dîyenê.

Seba ke cenazayî bi panîkî ameyî vêşnayene her çîyê serê cenazayan bi temamî nêvêşayê. Coka parçeyê teqaberan dormeyî ra vila bîyê. 

Kiştêke de şarjoro ke nêmeyê ci vêşayo aseno. Wexto ke ma kincê leşkerî yê vêşayeyî wedaritî, fîşekê şarjorî vila benê. Tayê înan teqayê.

Tewr peyên am kapsulê bombaya dûyî vînenê. Seba ke gerîlayî hol nêvînê nê bombayî şuxilîyenê.

Rixmo ke na barbarîye serrêke xo pey de verdaye îmha, înkar û bêvengîye dewam kenê. Cayê serebûtî de rêçê na barbarîye hema zî sey roja verêne est ê.