Tay dîmenî resayî destê ANFyî ke tede aseno ke artêşa tirke ya îşxalkere senî cenazayanê xo dana bombayan ver, kendalan ra erzena war û heta vêşnena. Bi nê dîmenan eşkerayîya HPGyî ya serê mesele zî îsbat bîye.

Dîmenê ke HPGyî pare kerdê û resayê destê ANFyî 11ê êlula 2022yî de ameyê qeydkerdene. HPGyî rixmo ke kunye, name û dîmenê nê leşkeran vila kerdî artêşa tirke kişteyê xo nimitî. Narey zî eşkera bîye de artêşa tirke cenazayanê leşkeranê xo vêşnena.

Merkezê Îrtîbatî û Çapemenîye yê HPGyî eşkerayîya xo ya 12ê êlule de dabi zanayene ke artêşa tirke cenazayanê leşkeranê xo vêşnena û wina vatbi: ''Warê Xoverdayîşî yê Girê Cûdî de îşxalkerê ke waştêne debikewê tunelanê Şehîd Çekdarî gêrîyayî binê kontrolî û ameyî pirodayene. Na çalakîye de îşxalkerî bi bombayanê destî, çekanê ferdîyan û taktîkê suîkastî ameyî pirodayene. Çalakîye de yewê ci sereberz 10 îşxalkerî ameyî cezakerdene û 4 îşxalker zî birîndar bîyî. Ameyê tesbîtkerdene ke nameyê leşkeranê kişteyan Savaş, Fatih, Gokhan, Serkan, Burak, Naci, Harun, Mert, Oguz û Fuat ê.

Artêşa tirke seba ke malzeme û çekê leşkeran nêkewê destê ma cenazayê xo dayî bombayan ver. Yew dron hetê hêzanê ma ra ame derbkerdene dima zî 2 îşxalkerî ameyî cezakerdene.

Artêşa tirke dima ke pê teyara û obusan cenazayî dayî bombayan ver dima zî pê roketan cenazayî vêşnayî. Warê çalakîye û cenazayê tay îşxalkeran hema zî destê hêzanê ma de yê. Temamîya nê çalakîyan de 12 îşxalkerî ameyî cezakerdene, 4 îşxalkerî birîndar bîyî û 1 dron ame derbkerdene.''