12 dewê qezaya Şaxî yê Wanî 1998 de binê dewa Konalga de ameybî yewkerdene. Heta 2020î Konalga de 383 bînayî virazîyayî û dewijî tede ca bîyî. Dewijan rê ame vatene ke eke ê 20 serran nê bînayan de bimanê, tapu do bêro dayene înan.

Qoricî Yahya Ozbeko ke 2014 de bi muxtarê Konalga waşt bînayî bêrê vengkerdene. Dewijan naye ser o pê waştişnameyan qeymeqamî, walîtîye û dezgehanê bînan rê nuşt ke ê nêwazenê herême ra cîya bibê û bira vengkerdişî wa bêra betalkerdene. La cewab nêdîya waştişnameyanê şarî.

Qoricîyî nika zî çim verdenê wareyanê şarî. Qoricî Ozbek wareyê şarî sey rayîrî tapu de qeyd kerdo û dima zî bi 800 hezar lîraya tirkan roto qoricîyanê Kiçanî yê Şirnexî. Qoricîyê Kiçanî zî serranê 90an ra nata nêzdîyê Mehmet Agarî yê.

Dewijan dîyar kerd ke herême de HES do bêro viraştene û qoricîyî seba ney xebitîyenê. Dewijan pare kerd ke herême de rantêko pîl est o.

Dewijanê Konalga ard ziwan ke heta peynî ê do têkoşîn bikerê û dewanê xo ra nêvejîyê.