Artêşa tirke ya îşxalkere dewanê Dêrxus, Huseynîk û Karahasanî yê qezaya Licê yê Amedî de dewijî kerdî hedef. Leşkeranê tirkan dewî girewtî binê ablûqa û 14ê nîsane de nê dewan de operayonêk da destpêkerdene.

Leşkeranê tirkan eşt xeylêk keyeyan ser û dewijan rê îşkence kerd. Leşkeran Karahasan de şiwan Berat Akgeyîk (18) zî tede  4 kesî destbend kerdî.

Deweka Emînogluyî ra dewijêkî wina qala îşkenceyê leşkeran kerde: ''Dewa ma binê ablûqa de ya. Vengê çekan ame dima leşkeran eşt keyeyê ma ser û keye de cigêrayîş kerd. Leşkeran ma rê gef wend vat 'Eke çîyêk bêro sereyê leşkeranê ma hînî gureyê şima dîyeno ci.' Leşkeran şiwanê ma Berat bêsebebdestbend kerd û da piro.''