Roniştişê dewaya keyeyê Şenyaşarî ke 3 endamê ci hetê pawitox û merdimanê Wekîlê AKPyî Îbrahîm Halîl Yildizî ra kişîyayî, ame kerdene. Dozgerî semedê Fadil Şenyaşarî ke hêriş de babî û di birayê ci ameyî kiştene û o birîndar xelisîya û dima ame tepiştene, heta 150 serran ceza waşte.

Avûkatanê Şenyaşaran bale ante ser ke destpêkerdişê dewa ra heto ewro hukm yeno binpaykerdene û sey îdîaneyî mutalaa zî goreyê hêrişkaran ameyo nuştene ê kiştoxan rê paştgêrîye kenê û semedê pawitişê vera dozgerî wext waşt. Heyetê mehkeme sey roniştişê qerarî qeraro bîn 25ê kanûne rê peyde eşt.