Dewaya Nisêbînî de roniştişê Gazî Muratogluyo ke 18 serre yo û ê Îbrahîm Halîl Yildizî Mehkemeya Cezaya Girane ya 4. a Mêrdinî de ame kerdene. Muratoglu tewrê roniştişî bi.

Muratogluyî tecrîdê vera Rayberê Şarê Kurdî Abdullah Ocalanî şermezar kerd, waşt ke polîtîkayê şerî yê vera kurdan biqedîyê û vat: ''Modelê xoîdarekerdişî seba Rojhelatê Mîyanênî xelisîyayîş o.''

Wexto ke Muratoglu rê ame persekerdene ke vatişê ci yo peyêne çi yo vat: ''Biciwîyo Serek Apo.''

Mehkeme verî cezaya muebede daye Muratoglu la dima cezaya ci kerde 15 serran û tewr peyêne de zî bira daye ke bi îdîaya ''safhaya teşebusî de mendo'' cezaya 10 serran daye ci. Heman wextî de bi îdîaya ''zerar dayo malê dewlete'' cezaya serrêk û 4 mengan zî daye Muratoglu.

Muebed û Cezaya Zîndanî ya 53 Serran

Roniştişê dewaya Îbrahîm Halîl Ildizî zî Mêrdîn de ame kerdene. Ildizî waşt ke tecrîdê vera Rayberê Şarê Kurdî Abdullah Ocalanî biqedo û 8ê Adare fîraz kerd.

Ildizî bi sloganê ''Biciwîyo Serek Apo'' bira mehkeme goştarî kerd. Mehkemeya tirke cezaya muebede ya 53 serran daye Ildizî.

Bi nê hawayî dewaya Nisêbînî de hûmara kesanê ke ceza dîyayîye ci bîye 42 kesî.