Dewa Geçîmlî ya qezaya Xozatî ya Dêrsimî de Dêra Ergenî ya ke aîda armenîyan a û 1300 serrî verî virazîyaye binê tehlukeyê rijîyayîşî de ya. Dêra Ergenî hedefê gêrayoxanê xazîne de ya. Seba Dêra ke dêsê ci yê kerrayênî wayîrê neqşan ê taybetan ê, muracatê restore amebi kerdene û muracat qebul bibi. La dewijan da zanayene ke heta nika qet yew dezgehê dewlete seba restore dest pê xebat nêkerd. 

Dewijî wazenê ke  dêre bêra restorekerdene, bêra pawitene û seba xizmetê turîzmî bişuxilîya. 

Dewijan ra Cîmşît Oguzhanî (87) vat: ''Verî wextê veyvan de mabênê di stunanê ci de veyveyî  roniştêne. Verî zaf rind bi. Dima gêrayoxan dêsê ci şikitî. Ganî na dêre bêra pawitene û restorekerdene. ''

Roniştoxê bînî yê bi nameyê Cuneyt Coşkunî zî vat: ''Tîya de dêrî zaf ê. La na dêre zaf texrîb bîya. Ganî ma sey hemwelatîyan zerar nêdê ci. Eke selahîyetdarî tîya bipawê ma do bibê kêfweş.''