Tîmanê Ronayîşê Haştîya Komelkî (CPT)  yo ke merkezê ci Amerîka de yo û Herêma Federe ya Kurdîstanî falîyet rayra beno, derheqê domananê ke hetê dewleta tirke ra ameyî qetilkerdene raporêk weşena.

Rapor de reyna ame mojnayene ke Tirkîya Pêkerdişê Heqanê Domanan ê Neteweyanê Yewbînayayeyan (NY) binpay kena.

Goreyê raporê CPTyî ke Rojnews de ca geno, hêrişanê dewleta tirke yê vera Başûrê Kurdîstanî de 1991î ra nata tewr tay 81 domanî ameyî qetilkerdene, 115 domanî zî birîndar bîyî.

Dewleta tirke tewr peynî de qezaya Dukanî ya Silêmanî de wesayîtêk hedef girewt. Nê hêrişî de Muzaffer Huseyin Xidir û wird lajê ci Muhammed Muzaffer (15) û Mubin Muzaffer (12) dinyaya xo bedilnaye.

Vera hêrişanê îşxalî û sûcê şerî ke dewleta tirke kena pîya bi Bexdad û Hewlêrî komelê mîyanneteweyî zî bêveng o.