Hêrişê ke dewleta tirke 3ê tebaxa 2014î de vera Şingalî bi destê cerganê DAÎŞî dabî destpêkerdene hema zî dewam kenê. PDKyo ke şirîkê hêrişan bi ge ge zî hêzê hukmatê Kazimîyî vistî ver. PDKyî 3ê adara 2017î de cergê 'Roje' şawitî bajarekê Xanesorî yê Şingalî. Nê hêrişî de Endama Têgêrayîşê Azadîya Cinîyan ê Êzidîyan (TAJÊ) Naze Nayîf, 7 şerwanê YBŞyî û HPGyî şehîd bîyî. Hêriş de rojnamegere Nûjîyane Erhan zî bi giranî birîndar bîye û 22yê adare şehîd bi.

25ê nîsana 2017î de hêrişê hewayî yo yewin ê Tirkîya qewimîya. Heman roje dewleta tirke hêrişê merkezê Fermandarîya YPGyî ya Qereçoxî kerd û 20 şerwanê YPG û YPJyî qetil kerdî. Hêrişê vera Şingalî de sivîlêk şehîd bi û şerwanêkê YBŞyî birîndar bi. Radyoyê Çira bi temamî rijîya.

Dewleta tirke 15ê tebaxa 2018î de hêrişê merasîmê şehîdan kerd. Hêriş de Mam Zekî şehîd bi, şerwanê YBŞyî Mahîr Serhed verî bi giranî birîndar bi û dima şehîd bi.

13ê kanûna 2019î de 3 karkerê kobanêyîjî hêrişê hewayî yê Tirkîya de şehîd bîyî. Menga teşrîna peyêne ya 2019î de zî hêrişê vera Xanesorî de 6 şerwanê YBŞyî şehîd bîyî.

15ê çeleyê 2020î de droneyanê çekdaran ê Tirkîya Sînûn de Fermandarê YBŞyî Zerdeşt Şengalî, Şervan Cilo û Êzdîn Şengalî şehîd kerdî.

30ê hezîrana 2020î de dewleta tirke narey Kampa Serdeştî ya êzidîyanê Şingalî kerde hedef.

23-25ê tebaxa 2020î de hêrişanê vera Herêmanê Pawitişî yê Meyda reyde dewleta tirke Koyê Şingalî da bombayan ver. Hêrişan heta 26ê tebaxe dewam kerd. Xanesorî de di kesî şehîd bîyî. Hêrişê vera dewa Barê de 9ê teşşrîna peyêne de şerwanêkê YBŞyî û sivîlêk şehîd bîyî.

16ê tebaxa 2021î de dewleta tirke Fermandarê YBŞyî Seîd Hesen Seîd, birazîyê ci yê şerwanê YBŞyî Îsa Xwedêda qetil kerdî û 3 kesî birîndar kerdî.

Dewleta tirke roja bîne hêrişê Nêweşxaneyê Sikinîyê kerd û 8 kesî şehîd kerdî. Hêriş de nêweşxane bi temamî rijîya.

Droneyanê çekdaran ê Tirkîya 7ê kanûna 2021î de Hemserekê Meclîsê Îdareyî yê Rayberdişê Xoserîya Demokratîke yê Şingalî Merwan Bedel şehîd kerd û di domanî birîndar kerdî.

Dewleta tirke 1ê sibata 2022yî de da Koyê Şingalî ro. Hêriş panc seaetan dewam kerd la zerar nêresa çewî ser.

15ê hezîrana 2022yî de Meclîsê Şarî yê Sinûnî dîya bombayan ver. Tîya de 12 kesî ameyî qetilkerdene û 8 kesî zî birîndar bîyî.

Hêzanê hukmatê Kazimîyî 2ê gulana 2022yî de eşt Şingalî ser û hêrişê YBŞ, YJŞ, Hêzanê Asayîşê Êzidxanî kerd. Hêriş de şerwanê YBŞyî Şervan Êzidxan û şerwana YJŞyî Feraşîne Şengalî şehîd bîyî.

29ê tebaxa 2022yî de droneyanê çekdaran ê dewleta tirke 2 şerwanê YBŞyî birîndar kerdî.

11ê êlule de, 23ê êlule, 6ê teşrîna verêne, 28ê teşrîna verêne û 1ê teşrîna peyêne de zî dewleta tirke ya îşxalkere hêrişê Şingalî kerd. La nê hêrişan de zerar nêresa çewî ser.

3ê teşrîna peyêne de dewleta tirke ya îşxalkere hêrişê vera Şingalî de sivîlê bi nameyê Mihsîn Şemo qetil kerd û cinîyêke zî birîndar kerde.