Dewleta tirke Başûrê Kurdîstanî de pî û lajê ci qetil kerdî
Teyarayanê şerî yê dewleta tirke herêma Behdînanî ya Başûrê Kurdîstanî bombardûman kerde. Netîceya hêrişî de Celal Nuredîn Mihyedîn û lajê ci Ehmed Celal cuya xo vînî kerde.
Goreyê xebera RojNewsî hêrşê artêşa tirke yê vera Başûrê Kurdîstanî de pîyêk û lajê ci cuya xo vînî kerde.
Îşxalkeran ewro saetanê serê sibayî de koyê Kurejehroyî yê herêma Behdînanî ser o bombayî varnayî. Netîceya hêrişî de dewijê deweka Dêrelokî ya Dihokî Celal Nuredîn Mihyedîn û lajê ci Ehmed Celal cuya xo vînî kerde.
