Şehîd Rêber Roboskîyo ke serranê zehmetan de Zagrosan de şer kerd, xeylêk çalakîyan de derbê giranî dayî dişmenî ro. Fermandar Roboskî serra 2017î de Xereqol de, serra 2022yî de zî Zap de tunelanê şerî de mîyanê têkoşînî de bi.

Verî ke 24ê nîsane de hêrişê îşxalî yê dewleta tirke dest pêkerd Fermandar Rêber Roboskîyî ANFyî rê qisey kerdbi.

Ey wina vatbi: ''Ez wazena vaja ke sey gerîlayan ma amade yê. Nê wextî de ke hêrişê dişmenî zêdîyayê, zafê nê hêrişan hetê gerîlayan ra ameyî pûçkerdene. Şerêkê muxtemelî rê sey embazanê xo ez zî amade ya. Ma do meverdê ke artêşa tirke ya îşxalkere armancê xo yê îşxalî bîyara ca. Nê bingeyî ser o ma do heta peynî xo ra bawer ê. Dişmen kamca ra bido piro ma do ey bin bivisnê. Ma do pê tecrubeyanê xo dişmenî bin bivisnê. Dewleta tirke do nêeşka ser bikewa.''