Dewleta tirke remnayî, PDK destbend kerdî
Ciwanê ke verî hetê dewleta tirke ra herêma Bradostî ya Başûrê Kurdîstanî de ameyî remnayene û dima ra hetê PDKyî ra ameyî destbendkerdene ra xebere nîna girewtene.
Dewleta tirke ya îşxalkere 30ê kanûne ya 2021î de dewa Dayla ya herêma Bradostî yê Hewlêrî de ciwanê bi nameyê Ekrem Xelîl Zîkrî û Zêdan Nebî Mistefa remnayî. Wird ciwanî bado ke ameyî berdene Tirkîya teslîmê PDKyî bîyî.
Goreyê xebera RojNewsî wird ciwanî hetê PDKyî ra ameyî destbendkerdene û testlîmê asayîşê Mergesorî bîyî. Hewteyêko ciwanan ra xebere nîna girewtene. Keyeyêkê semedê domananê xo qesawet kenê wazenê domanê înan bêrê veradayene la selahîyetdarî bêvengîya xo pawinê.
