Dewleta tirke hêrişê xo yê vera merdimîye û polîtîkayanê şerê taybetî dewam kena. Dewleta tirke îşxalê Serêkanîyê ra dima reya 4. îstasyonê Elûkî yo ke awa Kantonê Hesekê peyda keno vindarna.

Hemsereka Mudirîya Awe ya Hesekê Sozdare Ehmed derheqê babete de ANHA reyde qisey kerd û vat: ''Dewleta tirke bêsemed îstayon vindarna û destûr nêdana ke xebatkarî şorê îstasyon.''

UNICEFî 23ê adare de derheqê mesele de eşkerayîyêke dabi û pare kerdbi ke sey awe hewcedarîya elzeme ya merdimîye ganî nêba hacetê menfaatê sîyasî û leşkerîyî. Eşkerayîya UNICEFî ra rojêke dima Neteweyanê Yewbîyayeyan û Xeçê Sûrî waştbi ke Sûrîye de adirbirnayîş bêro îlankerdene.

Îstasyonê awe yê Elûkî ra kampanê koçberanê ke îşxalê dewleta tirke de neçare mendî ke warê xo biteriknê awa xo peyda kerdêne