Komêka gerîlayanê HPG û YJA-Starî yê ke Herêmanê Pawitişê Medya de kom bîye, xoverdayîşê gerîlayanê Zap û Avaşînî fîraz kerd. 

Xemlîne Kobanê: Hêzê YJA-Starî xeta xoverdayîşî ya şejîdan de Zap û Avaşîn de xo ver danê. Dewleta tirke rixmê teknîkê xo zî pê gerîlayan nêeşkena. Dewleta tirke wazena bi hemkarîya PDKyî pêro Başûrî îşxal bikera. Ma do qetî rayîr nêdê ney. Ganî ma vera PDKyî tewirêkê cidîyî bimojnê. Vera hêrişanê îşxalî ganî ma xoverdayîşî pîl bikerê. 

Welat Rojhilat: Gerîlayê YJA-Starî û HPGyî vera hêrişanê dewleta tirke û hemkarîya PDKyî xoverdayîşêkê bêemanî kenê. Dewleta tirke wazena pêro gerîlayan çin bikera û armancanê xo yê Osmanîyan bîyarê ca. Dewleta tirke nika Zap û Avaşîn de teng bîye, gerîlayî her roje bi desan îşxalkeran ceza kenê.Ciwanê kurdî wa vera hêrişan tewrê gerîlayan bibê.  

Dilpake Cûdî: Erdogan ho pê pêro hêzê xo hêrişê gerîlayan keno. La rixmê teknîk û çekanê xo nêeşkeno ser bikewo. Ê wazenê pê paştdayîşê PDKyî şarê kurdî û gerîlayan çin bikerê. Dişmen do sey serra 2008î Zap de bin bikewo. Erdoogan nêeşkeno cayêk de zî gerîlayan bin bikero. Serkewtiş ê gerîlayan o. 

Axîne Nemir: Dişmen rixmê gaz û çekanê kîmyewîyan zî gerîlayan çin bikero. Ma nija waranê cîyayan de yê, la zerrîya ma embazanê ma reyde Zap û Avaşîn de ya. Xoverdayîşê embazanê ma yê nê herêman hêz dano ma. Ma do qesasê şehîdanê Zap û Avaşînî qetî bigêrê.

Çiyako Gabar: Ma do xeta xoverdayîşê embazanê xo yê şehîdan de têkoşînî rê dewam bikerê. Ma do armancanê şehîdanê xo bîyarê ca. Dişmenî vera Zap û Avaşînî hêrişê pîlî dayî destpêkerdene. NATO zî mîyanê nê şerî de yo. Ma do meverdê dewleta tirke Kurdîstan de wina rehet têbigêra.  

Azad Tolhildan: Têkoşînê Zap û Avaşînî mojneno ke bawerî û îdeolojîya ma çend xurt a. Hetêk de xoverdayîşo winasên est o, hetê bînî de zî îxanetê PDKyî est o. Dişmen çeka kîmyewîye şuxilneno la nêeşkeno îradeyê ma çin bikero. Çunke ma pê xet û îdeolojîya Rayberîye bawer kenê. Ganî şarê ma vera îxanetê PDKyî wurzo we.

Jînda Hêvî: Ma prosesêkê zaf giranî de yê la ma her wextî ra xurtêr ê. Qet yew hêz nêeşkeno verê îradeyê PKKyî de vindero. Ma do armancanê embazanê xo yê şehîdan bîyarê ca. Dewleta tirke hêrişanê îşxalî yê bi nameyê 'Pençe-Kîlît'î de verê têkoşînê gerîlayan de  kilîdkerde mende. Çalakîyê Zap û Avaşînî ma rê benê moral. Hetê bînî ra wa PDK xo vîr a nêkero ke ma do pê gonîya xo erdê xo bipawê û firsend nêdê dişmenî.