Merkezê Îrtîbatî û Çapemenîye yê HPGyî derheqê hêrişanê dewleta tirke de zanayîş da.

Eşkerayîya HPGyî de nê ameyî vatene:

''Ma eşkerayîya xo ya 24ê çeleyî ya 2021î de dabi eşnawitene ke 22ê çeleyî de wearê Hecî Umran û Berdesorê yê Xakurkê hetê teyarayanê şerî ra ameyî bombardumankerdene. Nê hêrişî de hemrayê ma Amed Dorşîn şehîd bi.

Sey hemwextî dewa Azadî ya Hecî Umranî zî hetê teyarayanê şerî ra ameye bombardumankerdene. Bananê şarî zirar dî heywanê înan telef bîyî. Cayo ke no hêriş ame kerdene de û nizdîya ci de nuqtayê hêzanê ma çîn ê. Nê hêrişî zanaye vera şarê ma yê herême ameyî kerdene.

Hêzanê ma 29ê çeleyî de erazîya dewa Çemrobotkî ya warê Meyrokê yê Garê de cîhazê vengî ke îşxalkeran eştî war dîyî. Hêzanê ma ke nê cîhazî îmha kerdî ûca ra vejîyayî. Bado ke cîhazî ameyî îmhakerdene dewleta tirke herême bombarduman kerde.

Reyna 26ê çelekîyî de warê Werxelê û Sîda  yê Zapî  û 29ê çeleyî de zî  warê Karkerî û warê Sîda yê Zapî û warê Werxelê yê Avaşînî hetê teyrayanê şerî ra ameyî bombardumankerdene.''