Goreyê xeberanê Rojnewsî teyarayanê şerî yê artêşa tirke saete 04:30 de koyê Ehmedî yê Zînî Wertê û dewa Zergelê ya Qendîlî ser o bombayî varnayî. Goreyê zanayîşan ê destpêkan zerarêk nêresa kesêk/e ka zerarê madîyî ameyî meydan.

Koyê Ehmedî cayêk o ke bi taybetî roniştoxê Zergelê û Zînî Wertê wisar de seba arêdayîşê vaşî şinê ci, coka hêrişê dewleta tirke cuya sivîlan rê gef wanenê.

Hêrişê tirkan de alozîya Zînî Wertê ra dima ame kerdene. Nê têgêrayîşê leşkerî yo ke seba Qendîl gefêk o vera PKKyî yenê kerdene. 

Heman wextî de waranê Xakurkê û Çiyadêl û Kewertê yê herêma Bradostî ser o zî bombayî ameyî varnayene. Teyarayê keşfî hema zî herême ser o têgêrenê. Derheqê hêrişî de zanayîşê hîrayî nêameyî girewtene.