Dewleta Tirkî dewijê Sîdekanî tehdît kerdî
Dewleta Tirkî seba ke dewa Xelîfanî ya herêma Sîdekanî ya Başûrê Kurdistanî bêra vengkerdene, bi wasitaya bê merdimî dewijê dewe tehdît kerdî.
Wasitaya bê merdimî ya dewleta Tikrî serê dewa Xelîfanî ya herêma Sîdekanî ra nizmî ra firaye û seba teriknayîşê dewe dewijî tehdît kerdî.
Wasitaya bê merdimî bi lehçeya sorankî ya Kurdkî dewijan ra vat, ‘Tîya ra dûrî şorê, nêbo şima do bibê hedef’ û tehdîtê vengkerdişî kerd.
Goreyê dîmeno ke RojNewsî de ameyo weşanayene, wasitaya bê merdimî wextêko derg serê dewa Xelîfanî de nizmî ra firaye û dîmenê herême antî.
