Artêşa Tirkî  ya ke 27’ê Gulane de herêma Xakurkê ya Başûrê Kurdistanî de bi nameyê ‘pençe’ dest bi hêrişê îşxalî kerd gerîlayan ra derbeyanê girdan wena.

Dewleta Tirkî ya ke  1983 ra nata 30 reya ke  binameyanê cîya cîyayan hêriş kena, vana qey a bi heme îmkananê xo yê teknîkî ser kewena. Gerîlayo ke Xakurkê ra heta xeta Zapî derbeyanê giranan dano artêşa Tirkî ro hemverê sîleh û teknîkê dişmenê de meydan waneno. Gerîlayo ke zereyê roje de keweno mewzîyanê dişmenî ters û xof fînenê zerrîya înan. Artêşe û medyaya Tirkî bi zuranê bêboçan şarî xapînenê û xo sey serkewte ramojnenê la saha de raştî wina nîya. Goreyê Merkezê Çapemenî û Îrtîbatî yê HPG’yî menga Gulane de nê ameyî ciwîyayenê:

* Gerîlayan 40 ra zafêr çalakîyan de 150 ra zafêr leşkerî kiştî. Çalakîyê ke xeylî sîlehî ame destfînayene, dîmenê înan zî ameyî weşanayene.

* Artêşa Tirkî bi paştayîşê  hewayî 18 operasyonî viraştî û tewr tay 70 rey hêrişê heweyî kerdî.

* Mabênê gerîlayanê HPG’yî û artêşa Tirkî de nizdê 10 pêkewtişî ameyî ciwîyayene.

Goreyê nê doneyan eşkera eseno ke artêşa Tirkî vera gerîlayan nêeşkena şer bikero. Vera teknîkê şerî yê gerîlaya de bêçare ya.Coka bi zuranê medyaya taybete ya şerî xo sey serkewte ramojnena û şarî xapînena.