Dayîke Kubar Tunce taxa Hecîbekîrî ya Wanî de ciwîyena, 70 serre ya, dadîya 5 domanan a û tede nêweşîya parkinsonî esta. Domanêkê ci astengdar o. Walîtîye meaşê astengbîyaye û kokimîye yê dayîke Kubare birna. Dadîye Kubara ke pê dermanan eşkena payan ser o vindera û mehkuma sandalaya bitekerlekan a,  qerqilîyena û nêzanena ke senî debarê xo bikera û dermananê xo bihêrîna.

Dayîke Kubare da zanayene ke lajêkê ey astengdar o, lajê ey o bîn zîndan de yo û 30 serrî yo ke nêweşa parkinsonî ra. Dayîke Kubare vat: ''Ez hewceyê hetkarîye ya. Mi pê meaşê astengbîyayeyî û kokimîye debarê xo kerdêne. 2 serrî yo ke înan meaşê mi birna. No zulm o. Çim verdayê meaşê mi.''

Emrah Tunceyo 26 serre astengdar o. Emrahî vat: ''Dewlete her çiyê ma birnayî. Ma nêeşkenê faturayanê xo bidê. Wa keyeyê înan awin bê, cîranê ma hetkarîya ma kenê.''