Xeylêk partîyanê sîyasîyan, rêxistinanê komelê sivîlî û dezgehanê kurdan derheqê qirkerdişê dewleta tirke yê vera Kampa Mexmûrî de eşkerayîyêka nuştekîye daye.

Eşkerayîye wina ya:

''Pêro dinya vîrusê Korona têkoşîn kena. La dewleta tirke vîrusê Korona xo rê firsendêk dî û hêrişê vera kurdan zêdînayî. Hêrişê dewleta tirke yê vera Kampa Mexmûrî de 3 cinîyî ameyî qetilkerdene. Ma nê hêrişî şermezar kenê. Vera nê hêrişî hukmatê Iraqî, hukmatê Herêma Kurdîstanî û Neteweyê Yewbîyayeyî bêveng mendî. Na bêvengîye cesaret dana dewleta tirke ya ke hêrişanê xo dewam bikera. Ma na bêvengîye qebul nêkenê. Bi taybetî bêvengîya Herêma Kurdîstanî sebebê nêrazîbîyayîşêkê pîlî ya. Hêrişê vera Kampa Mexmûrî reyde, herêma Zînî Wertê de alozîya mabênê pêşmergeyanê PDK û YNKyî vejîyaye meydan. Tehluke esto ke no bibo semedê şerêkê zereyî. Na rewşe zî nêna qebulkerdene. No şer têna xizmetê waştiş û sîyasetê dewletan ê îşxalkeran bi taybetî xizmetê dewleta tirke do bikerê. 

Ma sere de venga Serekatî û hukmatê Herêma Kurdîstanî danê ke bêvengî û bêtewirîya vera hêrişanê dewleta tirke nêna qebulkerdene. Ganî nêrazîbîyayîş û tewir bêro mojnayene û ambargoyê vera Kampa Mexmûrî bêro wedaritene çunke no ambargo seba şarê kurdî hînî resa asta şermî. Ma venga şarê Kurdîstanî danê ke hêriş têna vra Mexmûrî nê, vera Kampa Mexmûrî yo, vera estbîyayîşê şarê Kurdîstanî yo. Ganî şarê ma vera dewleta tirke bibo yew. Heta ke ma yew nêbê ma nêeşkenê şarê xo hêrişanê dewleta tirke bipawê. Ma venga Neteweyanê Yewbîyayeyan û hukmatê Iraqî danê ke vera hêrişanê dewleta tirke bêveng nêmanê, bêvengîye hemkarîya dewleta tirke ya, seba pawitişê Kampa Mexmûrî berpirsîyarîya xo bîyarê ca.''

Partî û Dezgehê Beşdarî

• YNK (Yewîya Neteweyî ya Kurdîstanî)

• Tevgêra GORRAN

• KCDK-E (Kongreya Komelê Kurdîstanîijan-Ewrupa)

• TJK-E (Têgêrayîşê Cinîyanê Kurdîstanî-Ewrupa)

• Partîya ŞÛÎ Kurdîstan Başûr

• Partîya Zahmetkêşan - Başûr

• PADÊ (Partîya Azadî û Demokrasî ya Êzidîyan)

• Têgêrayîşê Azadîye

• PYD (Partîya Yewîya Demokrate)

• P.D.K.S (Partîya Demokrate ya Kurdan a Sûrîye)

• Partîya Çepe ya Kurdan a Sûrîye 

• Têgêrayîşo Newe yê Kurdîstanî-Sûrîye

• Partîya Demokrate ya Kurdan a Sûrîye  

• Partîya Çepe ya Demokrate ya Kurdan a Sûrîye

• Partîya rêkeftin a kurd li sûrya.

• Partîya çaksaziya kurd li sûriya.

• Partîya Keske ya Kurdîstanî ya Sûrîye

• Partîya Demokrate ya Kurdîstanî ya Sûrîye

• Partîya Komunîste ya Kurdîstanî ya Sûrîye

• PÎK (Partîya Îslamîya Kurdîstanî)

• KKP ( Partîya Komunuste ya Kurdîstanî)

• Têgêrayîşê Kawa

• PJAK(Partîya Cuya Azade ya Kurdîstanî)

• Yewîya Şorişgêran a Kurdîstanî

• KODAR 

• KJAR (Komelê Cinîyan ê Rojhelatê Kurdîstanî)

• Platformê Horam

• Plattform Zagros

• Plattform Yarsan

• Yarî Kurd

• Kurdische Gemeinde Stuttgart e.V

• FEDA ( Federesyona Elewîyanê Kurdîstanî)

• NAV – YEK (Federasyonê Komelanê Êzidîyan)

• Kurdische Zentrum Berlin

• CIK ( Komelê Îslamîya Kurdîstanî)

• Enstituta Kurdî – Almanya

• Enstituta Kurdî – Bruksel

• MŞD ( Meclîsê Şingalî yê Teberê Welatî)

• YMK ( Yewîya Mamosteyanê Kurdkî)

• YES (Yewîya Êzidîyanê Sûrîye)