Komeleya Rojnamegeran a Dîcle Firatî (DFG) raporê binpaykerdişê heqanê merdiman ê rojnamegeran ê menga hezîrane eşkera kerd.

Goreyê raporî menga hezîrane de 2 rojnamegerî ameyî tepiştene û 3 rojnamegeran rê cezaya zîndanî ameye dayene. 6 rojnamegerî ameyî destbendkerdene, derheqê 7 rojnamegeran de tehqîqat dîya destpêkerdene, derheqê 2 rojnamegeran de zî dewa ameye akerdene û vera rojnamegerêkî hêriş ame kerdene. Hetê bînî ra 3 rojnamegeran rê gef ame wendene, hukmkerdişê 38 rojnamegeran zî dewam keno.

Rapor de ame vatene ke îqtîdar seba ke şar raştîye nêvîno rojnamegeran asteng keno. Komele vera tewirê Erdoganîn yê seba medyaya komelkîye nêrazîbîyayîşê xo mojna û vat: ''Pê vurnayîşê wazenê ke muxalîfan konrol bikerê.''