DGH û DGKH'yî Amed de çalakîyî viraştî

Yewîyê Qesasî yê Şehîd Zulkuf Gezen û Şehîd Ayten Beçete Amed de vera polîsanê Tirkî çalakîya bombeyin a bivenge viraşte û dêsan ra sloganî nuştî.

Koordînasyonanê Têgêrayîşê Ciwanîye yê Demokratîkî (DGH) û Têgêrayîşê Cinîyan ê Ciwanan ê Şorişgêran (DGKH) da zanayene, seba ke bale biancê serê tecrîdkerdişê Rayberê Şarê Kurdî Abdullah Ocalanî û xoverdayîşê grevê vêşanîye, Amed de tayê çalakîyî viraştî.

Eşkerayîye de ame vatene, “7'ê Gulane saete 21:00 de, qezaya Baglarî ya Amedî de yewîyanê ma vera polîsanê Tirkî yê îşxalkaran ê dorê Hepisxaneyê Amedî yê Tîpê E’yî de çalakîya bombeyin a bivenge viraşte. Yewîyê ma na çalakîye ra dima wareyê çalakîye ra vejîyayî û tu zirarêk nêresto yewîyanê ma.

Yewîyanê ma 8’ê Gulane de qezayanê cîyayan ê Amedî de sloganê “Ciwanî fedayîyê Apoyî yê”,  “Ma tecrîd bişiknê”, "Leyla Guvene", "Zulkuf Gezen", “Bibê vengê zîndanan”, “Biciwîyo Ocalan” û “Ma do destê ke dergê dayîkanê bênê bişiknê” dêsan ra nuştî.