Artêşa tirke ya îşxalkere 13ê temmuze de mewzîyê xoverdayîşî yê Girê FMyî yê Zapî pê bombayanê taktîk nukleerî dayî bombayan ver. Dîmenê nê hêrişî resayî ANFyî. Dîmenê ke hetê gerîlayan û şarê herême ra ameyî qeydkerdene de tesîrê teqayîşê bombaya taktîk nukleerî yeno vînayene.

Merkezê Îrtîbatî û Çapemenîye yê HPGyî çalakîya xo ya 14ê temmuze de vatbi  Artêşa tirke ya îşxalkere 11-13ê temmuze de vera herêma Zapî bombayê taktîk nukleerî şuxulnayî ke vengê înan bi kîlometrayan dûrî ra ame eşnawitene û tesîrê teqayîşî zaf hîra vila bi.''

Endamê Komîteya Rayberdişî ya PKKyî Murat Karayilanî zî 12ê temmuze de ajansê ma rê erjnayîş kerd bi û bale antbî şuxulnayîşê çekanê qedexeyan ê dewelta tirke ser û wina vat: “.Di serrî û nêm o bi se hezaran bombardumanî ameyî kerdene. Bombayê termobarik û bombayê fosforî ameyî şuxulnayene. Tewr peynî de Zap, Avaşîn û Metîna de vera hêzanê ma bombayê taktîk nukleerî ameyî şuxulnayene ke têna bi destûrê NATOyî yenê şuxulnayene.’’ 

Baldar o ke bormbardunê taktîk nukleerî yê artêşa tirke ya îşxalkere badê kombîyayîşê NATOyî zêdîya.